HaboOn.Net

السلام عليكم اخواني و خواتي الكويتين والكويتيات
طبعاً اكيد ميتين من الحره على ديرتكم و اللي قاعد يصير فيها من مصخره و اللي
بلا شك يثبت الاستخفاف بعقولنا كلنا! يعني يوم يقولون بيزيدون المعاشات… باجر
الصبح زايدين الاسعار! مو المعاشات و المجلس ما سوى (وماراح يسوي) شي … و كل
يوم اعلان بالجريده راح نزيد معاشات الشعب 40% و الأسعار تزيد 40% بقدرة
قادر!!!يانيين و ميننينا وياهم! حتى ستاربكس و اللي اهو شبه المتنفس الوحيد
حقنا صارت اسعاره فوق… و كافيه كوستا اللي يلوع الجبد زاد اسعاره علينا اللي
الكيكه البايته مالته كانت ب 900 فلس الحين مو اقل من دينار و 450 فلس و
الجمعيه فضت ما فيها شي صارت جنها فرع و كل شي فيها غالي! قبل 10 دنانير تسوي
شغل بالجمعيه الحين صارت جنها دينار… و ايام قبل كرتون الطماط كان 480 فلس
الحين صار كيلو الطماط يعادل كيلو الذهب و الكرتون صار ينبا ع بدينار و 680 فلس

تركوا الطماط و الكافيهات… السوق صار اييب اليهد! ما فيه هدوم مثل الاوادم
ولبس الشباب صار يفشل و يضحك من محلات الهنود اللي فاتحينهم بالأفنيوز مثل توب
كات و غيرهم لا و فوق شينهم قواة عينهم اسعار ناااااار صلخ جنه اللي مصمم
الفانيله تيري موجلر ما جنها ميد ان اندونيسيا! فعلاً شي يفشل…

المهم هالحجي
هذا كله مو ياي من عدم و اكيد انتوا ملاحظين اللي قاعد يصير فأنا عندي اقتراح و
ياليت تسمعوني: ليش ما نسوي اضراب؟

لا مو اضراب عن الطعام قصدي اضراب عن السوق و الكافيهات و المطاعم! الحين
واحد يقول ‘يعني وقفت علي؟’ اي حبيبي وقفت عليك!!! يعني انت تروح مطعم من مطاعم
> > البحر ما تقط اقل من 15 دينار تخيل لو انت و 3 من ربعك ما رحتوا المطعم هذا…
جم راح يخسر؟ 60 دينار! و اذا انتي يا اختي ما رحتي تشترين هدوم من مانغو ب 30
او 40 دينار و رفيجتج ما راحت زارا و شرت ب 20 دينار؟ شراح يصير با لسوق؟ تخيلوا
الكويتين كلهم او اغلبهم يقعدون ببيوتهم ويك اند (يعني عطلة نهاية الاسبوع لا
يقولون هذا يتفلسف) ويتغدون اموش يتعشون معكرونيه بالبيت بس ويك اند واحد
اشراح يصير بالديره؟! ترى احنا مو شويه ما بقى شي و نصك ال1000000 نسمه مشالله
لا اله الا الله

يعني فعلا نقدر نغير اللي قاعد يصير و بيدنا نغير ديرتنا و
نسنع الهوامير الحراميه اللي ما خافوا ربهم فينا… اذا محد قادر يسوي شي لازم
احنا ندافع عن حقوقنا لأنه الاحوال قاعده تصير من سيء الى اسوء ولازم نوقف مع
بعض كلنا و نحمر العين.

التاريخ المقترح حق هالخطه اهو الخميس السادس من مارس
2008 و قلت اعطي الايميل شهر ينتشر بالكويت و انشالله اييب نتيجه و ينقذنا من
اللي قاعد يصير والله يخليكم تبلغون اهاليكم اللي ما عندهم ايميل و توعون
اخوانكم و خواتكم الصغار و الكبار عشان نقدر نغير اللي قاعد يصير كلنا نتعاون
لأنه ايد وحده ما تصفق و عساكم على القوه نبدي حملتنا تحت شعار ‘الله يديم
الرخص’ و نسمع الكل و الجميع و اللي عنده افكار زياده يليت يشاركني فيها على

ايميلي:

habib_alkuwait@hotmail.com

الإضراب عن الأسواق:
تاريخ: 6/3/2008

الشعار:الله يديم الرخص

manqooool

waiiiiiin el reyayeeeel ya nas? walah za3altooooni !!! elyoum ewgefat feeena el sayara eb ne9 el share3 .. we7na 3 banat .. for 45 minutes .. maraw 3alainaaaaaa seteeen alf rayal o 9bay .. WALA WA7ED FEEEHUM WEGAFLENA?! shda3waaa .. wain el rejooola .. wain el shahama? wain reyayeeel awal? eleeee laii shafaw bt deeerat-hum in trouble eyooon raketh esa3dooon .. wain el faz3a? wegafnaaa bel 7ar wel kheeesa for almost an hour before someone helped us .. wa7ed efqayer ya7laila .. 7ataaa mo broo7a weyah sayeg .. ooo 3ala kether maaa 7ab ena yesa3edna .. ma lega hatha esban madre esbaaal .. hatha mal el br’3eee .. o 3ugubhaaa yana wa7ed thani .. ya 7elooohum wallah .. yaw o sa3edooona o sawoolena hatha eshterak madre shesma .. ma ga9eraw .. wagfat erjaaal!! .. bes ana atkalam 3an hal seteeeen alff ele maraw gabel la esa3doona hal shabab .. ya3nii law kanat ekhet-hum bel share3 o chethe 9ayer feeha? wel meshkela sheno .. kel wa7daa feena etdeg 3ala ahalhaaa bes maysheeloona .. fa ya3ni kenna 9ij 9IJ 9IJ metwahgeeen .. wallah za3eloooni shabab leq8 .. law mo hal 2 .. chan ga3deeeen 7ag sa3at .. ya7eloohum wallah ..